फोटो - १८०५२०२१-आयएसएलएम- राजेंद्र मळणगावकर
लोकमत न्यूज नेटवर्क
आष्टा : येथील श्री गणेश नागरी सहकारी पतसंस्थेच्या अध्यक्षपदी रामनारायण उंटवाल व उपाध्यक्षपदी राजेंद्र अच्युतराव मळणगावकर यांची बिनविरोध निवड करण्यात आली. निवडणूक निर्णय अधिकारी म्हणून ऊर्मिला राजमाने यांनी काम पाहिले.
सुभाषचंद्र झंवर म्हणाले, संस्थेच्या सांगली व कोल्हापूर जिल्ह्यांत १० शाखा कार्यरत असून संस्थेच्या ठेवी १५४ कोटी, कर्ज वाटप ११६ कोटी, वसुली भागभांडवल ५ कोटी ७५ लाख, स्वनिधी २३ कोटी, गुंतवणूक ६३ कोटी असून संस्थेला मार्चअखेर ३ कोटी ३५ लाख नफा झाला आहे.
यावेळी संचालक धनपाल चौगुले, अजिज मुजावर, शिवाजीराव शिंदे, विठ्ठल तळवलकर, दीपक साठे, भाऊसाहेब लोहार, राजाराम शेळके, अनुराधा झंवर, गणपती जाधव, सर्जेराव तांबेकर व मुख्य व्यवस्थापक एन. बी. काळोखे उपस्थित होते.
चौकट :
संस्थापक संचालक माजी अध्यक्ष अच्युतराव मळणगावकर यांच्या पश्चात त्यांचे पुत्र उद्योजक राजेंद्र यांना प्रथमच उपाध्यक्षपदाची संधी मिळाली आहे.