इस्लामपूर : इस्लामपूर नगर परिषदेचे नगराध्यक्ष व भाजपाचे जिल्हा उपाध्यक्ष निशिकांत भोसले-पाटील यांचा वाढदिवस इस्लामपूर विधानसभा मतदार संघात कोविड योद्ध्यांचा सन्मान, रक्तदान शिबिर, वृक्षारोपण, कोरोना लढाईत बेरोजगारीने त्रस्त असलेल्या घटकांना धान्य व रेशन किट वाटप अशा विविध सामाजिक उपक्रमांनी साजरा करण्यात आला.
कोरोनाचे संकट व पूर्व नियोजित कार्यक्रमामुळे बाहेरगावी जावे लागल्याने नगराध्यक्ष पाटील शुभेच्छा स्वीकारण्यासाठी उपस्थित नव्हते. मात्र राज्यभरातून अनेकांनी दूरध्वनीवरून संवाद साधून त्यांच्यावर शुभेच्छांचा वर्षाव केला. सकाळी मातोश्री शशीकला भोसले-पाटील, पत्नी सुनीता, कन्या प्रांजली, चिरंजीव प्रत्युष यांनी औक्षण करून त्यांना शुभेच्छा दिल्या. राज्याचे माजी मुख्यमंत्री व विरोधी पक्ष नेते देवेंद्र फडणवीस, भाजपाचे प्रदेशाध्यक्ष आमदार चंद्रकांत पाटील, विधान परिषदेचे विरोधी पक्षनेते प्रवीण दरेकर, आमदार आशिष शेलार, खासदार धैर्यशील माने, माजी खासदार राजू शेट्टी, माजी मंत्री शिवाजीराव नाईक, भाजपाचे जिल्हाध्यक्ष पृथ्वीराज देशमुख, शिवसेनेचे आमदार राहुल पाटील, भाजपाचे आमदार राहुल आहेर, महाराष्ट्र राज्य आयुर्वेद काॅलेज असोसिएशनचे अध्यक्ष व भाजपाचे ज्येष्ठ नेते डाॅ. बाळासाहेब आहेर, आमदार जयप्रकाश छाजेड, हुतात्मा उद्योग समूहाचे नेते वैभव नायकवडी, युवा नेते गौरव नायकवडी, यशवंतराव मोहिते कृष्णा सहकारी साखर कारखान्याचे अध्यक्ष डाॅ. सुरेश भोसले, माजी अध्यक्ष अविनाश मोहिते, भाजपाचे राजेश पांडे, भाजपा वैद्यकीय सेलचे अजित गोपझडे, यशवंत शिक्षण मंडळ कोडोलीचे डाॅ. जयंत पाटील, शिराळ्याचे नगरसेवक केदार नलवडे, शिराळा भाजपा तालुका अध्यक्ष सुखदेव पाटील, गोकुळ दूधच्या संचालिका अंजलीताई रेडेकर आदींसह मान्यवरांनी दूरध्वनीवरून शुभेच्छांचा वर्षाव केला.
भाजपाचे श्रीकांत भारती, उपनगराध्यक्ष दादासाहेब पाटील, नगरसेवक वैभव पवार, पक्षप्रतोद विक्रम पाटील, अमित ओसवाल, चेतन शिंदे, शकील सय्यद, संजय कोरे, विश्वास डांगे, नगरसेविका प्रतिभा शिंदे, मंगल शिंगण, कोमल बनसोडे, अन्नपूर्णा फल्ले यांच्यासह सर्व नगरसेवकांनी शुभेच्छा दिल्या.