ऐतवडे बुद्रुक (ता. वाळवा) येथे कर्मवीर भाऊराव पाटील यांच्या पुतळ्यास संदीप जाधव यांनी अभिवादन केले. यावेळी सौरभ पाटील, अमोल पाटील, रघुनाथ पाटील उपस्थित होते.
लोकमत न्यूज नेटवर्क
इस्लामपूर : शिक्षणमहर्षी, पद्मभूषण, रयत शिक्षण संस्थेचे संस्थापक डॉ. कर्मवीर भाऊराव पाटील यांच्या जयंतीनिमित्त त्यांच्या मूळगावी ऐतवडे बुद्रुक येथे अभिवादन करण्यात आले. यावेळी जिल्हा युवक काँग्रेसचे उपाध्यक्ष संदीप जाधव, ऐतवडे बुद्रुकचे माजी उपसरपंच सौरभ पाटील, ग्रामपंचायत सदस्य अमोल पाटील, रघुनाथ पाटील, तानाजी पाटील, सदानंद शिंदे, अजित जाधव, लालासाहेब जाधव, डॉ. प्रदीप गायकवाड, ऋषिकेश जाधव, लखन थोरात, दादा सावंत, आदर्श पाटील, आर्यवीर गडकरी, आयुष यादव, सुमित गायकवाड, संदीप काळगावे, सर्वेश पाटील, नरेंद्र नवले उपस्थित होते.
ऐतवडे बुद्रुक येथील कर्मवीर भाऊराव पाटील यांच्या नवीन बहुउद्देशीय स्मारकाबाबत लवकरच शासनाकडे पाठपुरावा करून काम मार्गी लावण्यासाठी प्रयत्न करू, असे संदीप जाधव यांनी सांगितले.