उपेक्षितांच्या कार्याचा गौरव स्तुत्य उपक्रम

कुणाल खेमणार : नेसरी महोत्सव उत्साहात

नेसरी : समाजातील विविध प्रश्नांवर आवाज उठविण्याबरोबरच समाजातील उपेक्षितांच्या कार्याचा गौरव व बळ देण्याचे महत्त्वपूर्ण कार्य पत्रकारांनी केले असून, त्यांच्या या स्तुत्य व उपक्रमशील कार्यामुळे भारावून गेलो, असे प्रतिपादन प्रांताधिकारी डॉ. कुणाल खेमणार यांनी केले.येथील पत्रकार संघाच्या ‘नेसरी महोत्सव-२०१५’ या समारंभात अध्यक्षस्थानावरून बोलत होते. यावेळी तहसीलदार हनुमंत पाटील प्रमुख अतिथी म्हणून उपस्थिती होते.यावेळी पंचायत समितीचे सदस्य अ‍ॅड. हेमंत कोलेकर, अ‍ॅड. संदीप फगरे, कृषी महाविद्यालयाचे अध्यक्ष रियाज शमनजी यांनी मनोगत व्यक्त केले.प्रारंभी डॉ. खेमणार यांच्या हस्ते दीपप्रज्वलन होऊन महोत्सवाचे उद्घाटन झाले. रवींद्र हिडदुगी यांनी स्वागत, तर प्रल्हाद माने यांनी प्रास्ताविक केले.यानंतर शिक्षिका शशिकला पाटील यांना राज्य शासनाचा आदर्श शिक्षक पुरस्कार मिळाल्याबद्दल, सिनेकलावंत अमोल देसाई यांचा पंढरपूर येथे झालेल्या राज्यस्तरीय अभिनय स्पर्धेत विजेता ठरल्याबद्दल व शिवाजी मगर यांचा सत्कार झाला. महोत्सवास महिला बचत गटांच्या स्टॉल्स्चे प्रदर्शन मांडण्यात आले होते.माजी उपसरपंच संजयसिंह शिंदे-नेसरीकर यांच्या हस्ते रंगमंचाचे उद्घाटन झाले. यावेळी कुडाळ येथील सिद्धांत थिएटर्स निर्मित ‘सुखांशी भांडतो आम्ही’ या नाटकाचा प्रयोग झाला.कार्यक्रमास उपसरपंच दयानंद नाईक, जिल्हा काँगे्रसचे विद्याधर गुरबे, मीनाताई ठाकरे दूध संस्थेचे चेअरमन शिवाजीराव हिडदुगी, माजी सरपंच महादेव साखरे, वसंतराव पाटील, आर. बी. पाटील, भिकाजीराव दळवी, हरिभाऊ भालेकर, अमर हिडदुगी, आदी उपस्थित होते.