लोकमत न्यूज नेटवर्क
वाटेगाव : भाटवाडी (ता. वाळवा) येथील सरपंचपदी नेताजी चव्हाण यांची बिनविरोध निवड झाली. निवडीनंतर कार्यकर्त्यांनी फटाक्यांची आतषबाजी व गुलालाची उधळण करून जल्लोष केला. निवडणूक निर्णय अधिकारी म्हणून बालम मुलानी, दिलीप पाटील यांनी काम पाहिले.
ग्रामपंचायत निवडणुकीमध्ये विकास आघाडीने ५ जागा जिंकून बहुमत मिळवले, तर श्री चिलाईदेवी ग्रामविकास परिवर्तन महाआघाडीने ४ जागा मिळवल्या होत्या. परंतु सरपंच पदासाठी अनुसूचित जाती महिला आरक्षण पडले होते. या आरक्षणातील महिला सदस्य नसल्यामुळे सरपंचपद रिक्त राहिले होते. यामुळे या आरक्षणातील पुरुष सदस्य असणारे नेताजी चव्हाण यांना सरपंचपदी संधी मिळाली.
निवड झाल्यानंतर नेताजी चव्हाण यांचा शिवाजी उथळे, किरण उथळे, राहुल मोरे, सुहास साळुंखे, सचिन डोंगरे यांच्याहस्ते सत्कार करण्यात आला. यावेळी शहाजी तिवले, माधुरी उथळे, भगवान शेळके, विकास शेळके, नंदकुमार केसरे उपस्थित होते