बुधगाव येथे माॅडेल स्कूल उपक्रमाचा प्रारंभ

जिल्हा परिषदेचे उपाध्यक्ष शिवाजी डोंगरे, पंचायत समिती सभापती त्रिशला खवाटे, उपसभापती अनिल आमटवणे, सदस्य विक्रम पाटील, सरपंच सुरेश ओंकारे, उपसरपंच सुखदेव गोसावी, गटविकास अधिकारी आप्पासाहेब सरगर, गटशिक्षणाधिकारी प्रसाद कालगावकर, शिक्षण विस्तार अधिकारी गणेश भांबुरे, केंद्रप्रमुख सुनिता वाघमारे उपस्थित होते. शाळेच्या कामात लोकप्रतिनिधींनी राजकारण आणू नये, असे आवाहन जिल्हा परिषद उपाध्यक्ष शिवाजी डोंगरे यांनी यावेळी केले. सुधीर देशखैरे, जिग्नेश पटेल, सुप्रिया मुळीक या देणगीदारांचा यावेळी सत्कार झाला. शाळेतील शिक्षकांनी स्मार्ट टी.व्ही. भेट दिला. रेहान बाणदार, संस्कार साळुंखे, राजवर्धन मुळीक, हर्षवर्धन मुळीक या गुणवंत विद्यार्थ्यांचा यावेळी सत्कार करण्यात आला. मुख्याध्यापिका कमल पाटील, ग्रामविकास अधिकारी उमेश नवाळे, संभाजी पाटील उपस्थित होते. सूत्रसंचालन वैभव होनमोरे यांनी केले. जावेद कुरणे यांनी आभार मानले.