कोकरुड : वाकुर्डे खुर्द (ता. शिराळा) ग्रामपंचायत सरपंचपदाच्या निवडणुकीत भाजपच्या मेघा जाधव या विजयी झाल्या; तर राष्ट्रवादीच्या सुप्रिया पाटील यांना चार मते मिळाली. विजयानंतर जाधव समर्थकांनी गुलालाची उधळण करत फटाक्यांची आतषबाजी केली.
लोकनियुक्त सरपंच शांताराम जाधव यांनी एक महिन्यापूर्वी राजीनामा दिल्याने हे पद रिक्त झाले होते. सोमवारी झालेल्या निवडणुकीत भाजपकडून मेघा जाधव, तर राष्ट्रवादीकडून सुप्रिया पाटील यांनी अर्ज दाखल केले होते. त्यात जाधव यांना पाच मते पडल्याने निवडणूक निर्णय अधिकारी सुनील कानडे यांनी त्यांना विजयी घोषित केले.
मेघा जाधव या माजी मंत्री शिवाजीराव नाईक व जिल्हा परिषद माजी उपाध्यक्ष सत्यजित देशमुख यांच्या समर्थक आहेत. या निवडीने भाजपने ग्रामपंचायतीवर झेंडा फडकवला आहे.
यावेळी माजी सरपंच शांताराम जाधव, ग्रामपंचायत सदस्य रणजित वाकुर्डेकर, शामराव परीट, कांचन संवादकर, विकास पाटील, तानाजी जाधव, गजानन पाटील, बाबूराव संवादकर, मोहन गुरव, उदय वाकुर्डेकर, महादेव जाधव आदी उपस्थित होते. निवडनंतर मेघा जाधव यांचा माजी मंत्री शिवाजीराव नाईक यांनी सत्कार केला.
फोटो-१५कोकरुड१
फोटो ओळ : वाकुर्डे खुर्द (ता. शिराळा) ग्रामपंचायतीच्या सरपंदपदी मेघा जाधव यांची निवड झाली. यानंतर समर्थकांनी गुलालाची उधळण करत त्यांचे अभिनंदन केले.