तासगाव -मणेराजुरी महामार्गावर चिंचणी फाटा येते अपघात; एक ठार

याबाबत तासगाव पोलिसांनी माहिती दिली की एमएच ०९ एल-८८९५ हा आयशर चिंचनीवरून येत होता. तर मोटारसायकल एमएच १४-बीड़ी-१०८१ यावरील चालक शहानूर सय्यद दरवेशी वय २० व त्यांच्या मागे बसलेले अरमान खान वय २५ हे होते. ही मोटारसायकल तासगाववरून मणेराजुरीकडे चालली होती दुपारी अडीच वाजता चिंचणी फाटा येथे जोरदार धडक झाली. त्यामध्ये मोटारसायकलवरील शहानुर सय्यद दरवेशी यांना तासगाव ग्रामीण रुग्णालय येथे उपचारासाठी नेले. त्याठिकाणी डॉक्टरांनी मयत घोषित केले. मोटारसायकलवर पाठीमागे बसलेले अरमान खान रा. मणेराजुरी हे सांगली सिव्हिल येथे उपचारासाठी दाखल केले आहे. अपघात घडल्यानंतर आयशरवरील चालक हा फरार झाला आहे. तासगाव पोलिसांनी दोन्ही वाहने जप्त केली आहेत. तासगाव पोलीस ठाण्यात अजिज हयात सय्यद वय ३४ रा. मणेराजुरी यांनी फिर्याद दिली आहे. तासगाव पोलिसांनी आयशर चालकावर गुन्हा दाखल केला आहे. या गुन्ह्याचा अधिक तपास पोलीस दादासाहेब तावरे करीत आहे.