जिल्ह्यातील बहुतांशी कारखान्यांचे गळीत हंगाम नोव्हेंबर महिन्यात सुरू झाले आहेत. गळीत हंगाम सुरू होऊन जवळपास दोन महिने झाले, तरीही कारखानदारांनी एकरकमी एफआरपी दिलीच नाही. शुगरकेन कंट्रोल कायदा १९६६ नुसार शेतकऱ्यांनी कारखान्याला ऊस दिल्यानंतर १४ दिवसांत एफआरपी देणे बंधनकारक आहे, अन्यथा कारखाना व्यवस्थापनाने संबंधित शेतकऱ्यास व्याजासह रक्कम देण्याचे बंधनकारक आहे. एकरकमी एफआरपी देण्याची कायदेशीर तरतूद असतानाही बड्या राज्यकर्त्यांच्या ११ कारखान्यांनी एकरकमी एफआरपी दोन महिन्यांत दिली नाही. सोनहिरा, उदगिरी शुगर, दालमिया आणि निनाईदेवी-दालमिया या कारखान्यांनीच गाळपास गेलेल्या ऊस उत्पादकांना एकरकमी एफआरपी दिली आहे. उर्वरित राजारामबापू साखराळे, वाटेगाव, सर्वोदय आणि डफळे या चारही युनिटकडून एकरकमी एफआरपी दिली नाही. वसंतदादा-दत्त इंडिया, क्रांती, हुतात्मा, विश्वास, तासगाव, यशवंत या कारखाना व्यवस्थापनानेही शेतकऱ्यांना पहिला हप्ताच दिला आहे. उर्वरित दुसरा हप्ता देण्याबाबत कोणताही ठोस निर्णय घेतला नाही. या अकरा कारखान्यांकडे शिल्लक एफआरपीचे ७१ कोटी १५ लाख ७७ हजार २५० रुपये थकीत आहेत. या शेतकऱ्यांनी एकरकमीची एफआरपी मागणी केली असून, स्वाभिमानी शेतकरी संघटना त्यासाठी आक्रमक झाली आहे.
चौकट
जिल्ह्यातील कारखान्यांनी गाळप केलेला ऊस
कारखाने गाळप साखर पोती उतारा
वसंतदादा-दत्त इंडिया ४१७५३० ४७५४७० ११.३९
राजारामबापू साखराळे ४३५४७० ५११८०० ११.७५
विश्वास-चिखली ३१६८२० ३३००२० १०.४२
हुतात्मा-वाळवा २६२०३० २८८०२५ १०.९९
राजारामबापू-वाटेगाव २६११४० ३०८३०० ११.८१
तासगाव-तूरची ३६२७१ ३४२०० ९.४३
राजारामबापू-डफळे ९४०७० ८७७७० ९.३३
सोनहिरा-वांगी ४४१८४५ ४९४२२० ११.१९
क्रांती-कुंडल ४३८२४० ४८७५९० ११.१३
सर्वोदय-राजारामबापू १९७६७० २२७७१० ११.५२
मोहनराव शिंदे-आरग १५६५९० १७११५० १०.९३
निनाईदेवी-दालमिया १८१९४५ २१२९५० ११.७१
यशवंत-खानापूर ६१३८२ ६४३५० १०.४८
उदगिरी शुगर २८३९१० ३१०००० १०.९२
सद्गुरू श्री श्री राजेवाडी ३२५६९५ ३५००३९ १०.७५
एकूण ३९१०६०८ ४३५३५९४ ११.१३