शहरं
Join us  
Trending Stories
1
बिहारच्या मतदार यादीत परदेशी लोकांची नावे; बांगलादेश, म्यानमार, नेपाळचे नागरिक आढळले
2
एचडीएफसी बँक, श्रीराम फायनान्सवर आरबीआयची कारवाई; दंड ठोठावला
3
'तीन दिवसापूर्वीच कट रचला होता'; राधिका हत्या प्रकरणात मैत्रिणीचा धक्कादायक खुलासा
4
समुद्र किनारी फिरताना सापडला गिफ्ट बॉक्स, उघडून बघताच बसला धक्का, थेट गाठलं पोलीस ठाणं, आतमध्ये नेमकं होतं काय?  
5
आतापर्यंत कुठे-कुठे फुटला ट्रम्प 'टॅरिफ बॉम्ब'? पाहा संपूर्ण यादी..; भारताबाबत मोठी अपडेट
6
विरोधकांच्या हल्ल्यात ऐन तारुण्यात दोन पाय गमावले, पण समाजकार्य नाही सोडले, आता राज्यसभेवर नियुक्ती, कोण आहेत सदानंदन मास्टर
7
शेअर बाजारात नुकसान होतंय? '५५:२३:२२' चा फॉर्म्युला वापरा, पोर्टफोलिओ सुरक्षित ठेवून नफा कमवा!
8
आता 'चलाखी' चालणार नाही! कारच्या काचेवर FASTag शी छेडछाड केल्यावर होईल कारवाई...
9
'PM मोदी म्हणाले, मराठीत बोलू की हिंदीत आणि नंतर...'; उज्ज्वल निकमांना खासदारकी मिळण्यापूर्वी मोदींचा फोन, काय झालं बोलणं?
10
झरदारींना हटवून असीम मुनीर पाकिस्तानचे राष्ट्रपती होणार? शाहबाज शरीफ स्पष्टच बोलले...
11
जीवावर आलं ते पायावर निभावलं, इराणच्या राष्ट्रपतीना मारण्यासाठी आलं इस्राइलचं विमान, ६ क्षेपणास्त्रेही डागली, पण...  
12
वो बुलाती है मगर...! स्पा सेंटरच्या तरुणींनी इशारे करताच हा गेला..., स्वत:चा पाय मोडून आला
13
रिलायन्स, TCS ला कोटींचे नुकसान!! घसरणीतही 'या' २ कंपन्यांनी कमावला नफा, कसं शक्य झालं?
14
Crime: कुराण शिकवण्याच्या नावाखाली घरी नेलं आणि...; सख्ख्या मावशीच्या कृत्यानं उत्तर प्रदेश हादरलं!
15
विरारमधील मराठी द्वेष्ट्या रिक्षाचालकाला शिवसेना कार्यकर्त्यांनी चांगलेच चोपले
16
"छत्रपती शिवाजी महाराजांची गादी माझीच...", अभिजीत बिचकुलेंच्या वक्तव्याने नवा वाद, काय म्हणाले?
17
बिहार हादरले! भाजप नेत्याची गोळ्या घालून हत्या! दोन तरुणांनी झाडल्या चार गोळ्या
18
Ujjwal Nikam MP: उज्ज्वल निकम यांचे खासदारकीचे स्वप्न अखेर पूर्ण! राष्ट्रपतींकडून राज्यसभेवर चार जणांची नियुक्ती
19
तामिळनाडूमध्ये डिझेलने भरलेल्या मालगाडीला भीषण आग; संपूर्ण परिसरात आगीच्या ज्वाळा अन् धुराचे लोट
20
'ही' कंपनी प्रत्येक शेअरवर देणार २५०% लाभांश, आतापर्यंत ११००% परतावा; तुमच्या घरातही असेल यांचे टूल्स

कुपवाड ड्रेनेज प्रकल्पाचा २१३ कोटींचा आराखडा सादर

By लोकमत न्यूज नेटवर्क | Updated: July 1, 2021 04:19 IST

सांगली : बहुचर्चित कुपवाड ड्रेनेज योजनेचा प्रकल्प अहवाल बुधवारी महाराष्ट्र जीवन प्राधिकरणाने महापालिकेकडे सादर केला. योजनेवर २१३ कोटींचा खर्च ...

सांगली : बहुचर्चित कुपवाड ड्रेनेज योजनेचा प्रकल्प अहवाल बुधवारी महाराष्ट्र जीवन प्राधिकरणाने महापालिकेकडे सादर केला. योजनेवर २१३ कोटींचा खर्च अपेक्षित आहे. येत्या महासभेत प्रकल्प आराखडा मान्यतेसाठी सादर केला जाणार आहे. त्यानंतर तो शासनाकडे मंजुरीसाठी पाठविला जाईल, असे महापौर दिग्विजय सूर्यवंशी यांनी बुधवारी पत्रकार बैठकीत सांगितले.

सूर्यवंशी म्हणाले, महापालिकेत महाविकास आघाडीची सत्ता आल्यानंतर कुपवाड ड्रेनेज योजनेला खऱ्या अर्थाने गती आली. पालकमंत्री जयंत पाटील, राष्ट्रवादीचे शहर जिल्हाध्यक्ष संजय बजाज व आघाडीतील नेत्यांच्या उपस्थितीत २५ मार्च रोजी मंत्रालयात बैठक झाली. या बैठकीत कुपवाड ड्रेनेज योजनेवर चर्चा होऊन प्रकल्प अहवाल सादर करण्याच्या सूचना देण्यात आल्या. मिरज ड्रेनेज योजनेचे काम ९० टक्के पूर्ण झाल्याने कुपवाड ड्रेनेज योजनेचा मार्ग मोकळा झाला आहे. या योजनेसाठी २१३ कोटींचा खर्च अपेक्षित आहे. या प्रकल्पात पाईपलाईनची एकूण लांबी २७० किलोमीटर आहे.

कुपवाड ड्रेनेजसाठी नगरोत्थान योजना, जलशक्ती अभियान, अमृत योजनेतून निधीसाठी पालकमंत्री जयंत पाटील, राज्यमंत्री डॉ. विश्‍वजीत कदम यांच्याकडे पाठपुरावा करणार आहोत. येत्या महासभेत प्रकल्प आराखड्याला मान्यता घेतली जाईल. या योजनेची तांत्रिक तपासणी मंडळ कार्यालयाकडून होईल. त्यानंतर महाराष्ट्र जीवन प्राधिकरणचे मुख्य अभियंता यांच्याकडे तांत्रिक मंजुरीसाठी सादर होणार आहे. ही योजना २०२३ मध्ये कार्यान्वित करण्याच्या दृष्टीने नियोजन सुरू असल्याचेही सूर्यवंशी म्हणाले.

यावेळी उपमहापौर उमेश पाटील, विरोधी पक्षनेते उत्तम साखळकर, राष्ट्रवादीचे गटनेते मैनुद्दीन बागवान, नगरसेवक विष्णू माने, संतोष पाटील, जीवन प्राधिकरणाचे अधिकारी ए. ए. पाटील उपस्थित होते.

चौकट

सांगली-मिरजेतील वंचित भागाचा समावेश

सांगली व मिरज शहरासाठी स्वतंत्र ड्रेनेज योजनेचे काम सुरू आहे. या योजनेत आरवाडे पार्क, अभयनगर, मिरजेतील कोल्हापूर रोड परिसरातील अनेक नागरी वस्तींचा समावेश केलेला नव्हता. कुपवाडच्या आराखड्यात या वंचित भागाचाही समावेश करण्यात आला आहे. या भागात ३१ किलोमीटर लांबीची पाईपलाईन टाकली जाणार आहे. त्यासाठी अंदाजे खर्च १५ कोटी रुपये अपेक्षित असल्याचे महापौर सूर्यवंशी म्हणाले.

चौकट

योजनेची वैशिष्ट्ये

* कुपवाड ड्रेनेज योजना : २१३ कोटी रुपये

* एकूण पाईपलाईन : २७० कि.मी.

* संप व पंपगृह : अहिल्यानगर, तुळजाईनगर, कुंभारमळा येथे.

* मलशुद्धीकरण केंद्र : कुंभारमळा (वानलेसवाडी)

* प्रक्रिया केलेल्या पाण्याची विल्हेवाट : मिरज-कोल्हापूर रस्त्याजवळील ओढ्यातून सोडले जाणार