रत्नागिरी : रत्नागिरी पंचायत समितीची सभा शांततेत पार पडली. या सभेत तालुक्याच्या विविध विभागांच्या कामांचा आढावा घेण्यात आला.
सभापती संजना माने यांच्या अध्यक्षतेखाली ही सभा झाली. या सभेत शिक्षण विभाग, पशुसंवर्धन विभाग, एस. टी. महामंडळ, महावितरण, बांधकाम विभाग, तालुका कृषी विभाग, आराेग्य विभाग व अन्य विभागांच्या कामांचा आढावा घेण्यात आला. यावेळी विविध विभागांच्या अधिकाऱ्यांनी उपस्थित सदस्य, पदाधिकाऱ्यांना माहिती दिली.
या सभेत वळके येथे मनरेगा अंतर्गत लखपती शेतकरी ही कार्यशाळा नियोजनबद्धरित्या केल्याने सभापती संजना माने यांनी समाधान व्यक्त केले. यावेळी गटविकास अधिकारी टी. बी. जाधव, उपसभापती उत्तम सावंत, सदस्य गजानन पाटील, सहाय्यक गटविकास अधिकारी विजय पोकळे, तालुका आरोग्य अधिकारी डॉ. गावडे, पशुसंवर्धन अधिकारी डॉ. अभिजित कसालकर उपस्थित होते.