लांजा : तालुक्यात गणेशाेत्सवासाठी येणाऱ्या गणेशभक्तांच्या परतीच्या प्रवासासाठी लांजा आगार सज्ज झाले आहे. त्यांच्या प्रवासासाठी दि. १४ सप्टेंबरपासून एस.टी. सेवा सुरू करण्यात आल्याची माहिती आगार व्यवस्थापन संदीप पाटील यांनी दिली आहे.
गणेशोत्सवासाठी दाखल होणाऱ्या मुंबईकरांचा परतीचा प्रवास सुखकर व्हावा यासाठी लांजा आगार सज्ज झाले आहे. परतीच्या प्रवासासाठी लांजा आगारातून दि. १४ सप्टेंबरपासून तब्बल ७० जादा गाड्या सोडण्यात येणार आहेत. या गाड्या ग्रामीण भागातूनही सोडण्यात येणार आहेत.
लांजा आगारातून लांजा - मुंबई, नालासोपारा, बोरिवली, कल्याण, परेल, ठाणे, वाटूळ मार्ग भांबेड - बोरिवली, आदी फेऱ्या सोडण्यात येणार आहेत. परतीच्या प्रवासासाठी सकाळी ६ ते रात्री ९ या वेळेत बुकिंग करण्यासाठी खास काऊंटरची व्यवस्था करण्यात आली आहे. तसेच ऑनलाईन, स्वाईप मशीनद्वारे, तसेच ग्रुप बुकिंग करण्याची सुविधा उपलब्ध करण्यात आल्याची माहिती आगार व्यवस्थापक संदीप पाटील यांनी दिली.