दस्तुरी : खेड - दापोली मुख्य मार्गावर साखरोळी येथे गुरूवारी सायंकाळी ५ वाजता जीर्ण झाड कोसळल्याने या मार्गावरील वाहतूक बंद झाली होती. हे झाड बाजूला केल्यानंतर अर्ध्या तासानंतर मार्गावरील वाहतूक सुरू झाली.
पावसाची संततधार आणि झाड माेठे असल्याने जेसीबीने झाड बाजूला करणे अशक्य हाेते. यावेळी चिंचघर येथील ठेकेदार सुशांत कदम यांनी पाेकलेन व जेसीबी लावून हे झाड बाजूला केल्यानंतर वाहतूक सुरळीत झाली. यावेळी खेड सार्वजनिक बांधकाम विभागाचे अधिकारी नीलेश पावशे, रमेश वाघमारे यांच्यासह सुशांत कदम, अमर कदम, अवधेश सिंग, जगनादा सिंग उपस्थित होते.
--------------------------------
मुसळधार पावसामुळे खेड - दापाेली मार्गावरील साखराेळी येथे झाड काेसळल्याने वाहतूक बंद पडली हाेती. (छाया : सुरेश पवार)