असगोली : ग्रामीण रुग्णालयामध्ये उपचारासाठी असलेले कोविड रुग्णांचे नातेवाईक आणि आरोग्य कर्मचारी यांना कोरोनाचे दुष्टचक्र संपेपर्यंत रोज रात्री मोफत भोजन व्यवस्था महाराष्ट्र नवनिर्माण सेनेचे माजी अध्यक्ष राजेश रमेश शेटे व कुटुंबीय यांच्यातर्फे करण्यात आली आहे.
गुहागर तालुक्यातील अनेक कोरोना रुग्ण गुहागर येथील ग्रामीण रुग्णालयात उपचार घेत आहेत. लॉकडाऊनमुळे गुहागरात सर्व हॉटेल बंद असल्याने रुग्णांच्या नातेवाइकांना अनेक संकटांचा सामना करावा लागतो. आता रात्रीच्या वेळी मोफत भोजन मिळत असल्याने रुग्णाच्या नातेवाइकांनी राजेश शेटे यांचे आभार मानले आहेत. राजेश शेटे यांनी कोरोनाने मृत्यू झालेल्यांचा अंत्यसंस्कार करण्यासाठी ४ टन लाकूड उपलब्ध करून दिले आहे.
यावेळी मनसेचे माजी अध्यक्ष राजेश शेटे, गुहागर तालुकाध्यक्ष विनोद जानवळकर, गणेश किर्वे, दिनेश निवाते, रूपेश घवाळे, नितीन कारकर, संदीप गोरीवले, तेजस फोकले, संकेत खांबे आदी उपस्थित होते.