शिष्यवृत्ती परीक्षेची अंतिम उत्तरसूची प्रसिद्ध

रत्नागिरी : महाराष्ट्र राज्य परिषदेतर्फे १२ ऑगस्ट २०२१ रोजी घेण्यात आलेल्या पाचवी आणि आठवीच्या परीक्षेची इयत्तानिहाय, पेपर निहाय अंतरिम (तात्पुरती) उत्तरसूची २४ ऑगस्ट २०२१ रोजी परिषदेच्या www.mscepune.in व https://www.mscepuppss.in या संकेतस्थळावर प्रसिद्ध करण्यात आली होती. अंतरित उत्तरसूची संदर्भात प्राप्त झालेल्या आक्षेपांवर विषय तज्ज्ञांचे अभिप्राय विचारात घेऊन परीक्षा परिषदेने उत्तरसूची सुधारित केली आहे.

या उत्तरसूचीतील उत्तरे अंतिम समजण्यात येतील. या अंतिम उत्तरसूची बाबत आलेली निवेदने विचारात घेतली जाणार नाहीत व त्याबाबत कोणताही पत्रव्यवहार केला जाणार नाही. या अंतिम उत्तरसूचीच्या आधारे निकाल तयार करण्यात येईल. अंतिम उत्तरसूची परिषदेच्या www.mscepune.in व https://www.mscepuppss.in या संकेतस्थळावर प्रसिद्ध करण्यात आली आहे, असे पुणे येथील महाराष्ट्र राज्य परीक्षा परिषदेचे आयुक्त तथा अध्यक्ष यांनी सांगितले आहे.