रत्नागिरी : शहरानजीकच्या काजरघाटी धार येथे रामचंद्र भोजे आणि कुवारबाव ग्रामपंचायतीचे सदस्य नरेश विलणकर यांनी सामाजिक भान जपत ज्येष्ठ नागरिकांना विश्रांती करण्यासाठी बेंचेसची सुविधा उपलब्ध करुन दिलेली आहे.
रत्नागिरी काजरघाटीमार्गे लांजा या मुख्य रस्त्यावर काजरघाटी धार येथे पाण्याच्या टाकीजवळ मागील अनेक वर्षांपासून शांतीनगर, साईनगर, गणेशनगर, काजरघाटी धार या परिसरातील सुमारे ४० ते ५० ज्येष्ठ नागरिक सायंकाळच्यावेळी फेरफटका मारण्यासाठी व विश्रांती घेण्यासाठी येतात. याठिकाणी बसविण्यात आलेले बेंचेस तुटलेल्या अवस्थेत होते. ही बाब रामचंद्र भोजे आणि कुवारबाव ग्रामपंचायतीचे सदस्य नरेश विलणकर यांच्या लक्षात येताच त्यांनी स्वखर्चाने याठिकाणी सिमेंट काॅंक्रिटचा कट्टा व बेंचेसची व्यवस्था करून दिली.
या कट्टा व बेंचेसच्या लोकार्पणाचा छोटेखानी कार्यक्रम पार पडला. यावेळी रत्नागिरी जिल्हा परिषदेचे सदस्य प्रकाश रसाळ, नाचणे ग्रामपंचायतीचे सरपंच भय्या भोंगले तसेच शांतीनगर, साईनगर, गणेशनगर, काजरघाटी धार या परिसरातील नाचणे गावातील ज्येष्ठ नागरिक उपस्थित होते.
---------------------------------------
रत्नागिरी शहरानजीकच्या काजरघाटी येथे ज्येष्ठ नागरिकांसाठी बेंच बसविण्यात आले. यावेळी सरपंच भय्या भोंगले, प्रकाश रसाळ, रामचंद्र भोजे, नरेश विलणकर यांच्यासह ग्रामस्थ उपस्थित होते.