ऑनलाइन लोकमत
रायगड, दि. 28 - रोहा रेल्वे स्टेशनजवळ मालगाडीचा डबा रुळावरुन घसल्याने कोकण रेल्वेची वाहतूक विस्कळीत झाली आहे. यामुळे मुंबईकडे येणा-या वाहतुकीवर परिणाम झाला आहे. एक्सेल तुटल्याने मालगाडीचा डबा रुळावरुन घसरल्याची माहिती समोर येत आहे.
दरम्यान, यामुळे नागोठणे रेल्वे स्टेशनवर ह.निजामुद्दीन रेल्वे थांबवण्यात आली आहे. कर्मचा-यांअभावी कोकण रेल्वेवरील डागडुजी आणि देखभाल व्यवस्थित होत नसल्याने अशा प्रकारचे अपघात होत असल्याचे बोलले जात आहे.