इंटरनेटचा वापर वाढल्यानं त्या माध्यमातून होणाऱ्या आर्थिक व्यवहारांची संख्यादेखील वाढली. त्यामुळे मग सायबर गुन्हेदेखील वाढले. हॅकिंगच्या माध्यमातून होणाऱ्या आर्थिक घोटाळ्यांची संख्या मोठी आहे. त्यामुळे हॅकिंगच्या बाबतीत सतर्क राहण्याची गरज आहे. फोन हॅक झाला आहे ते ओळखता येऊ शकतो.
कसे ओळखाल फोन हॅक झाला का?
फोन हॅक झाल्यावर डेटाचा वापर वाढतो. कारण इनफेक्टेड डिव्हाईस मॅलेशियस सर्व्हरसोबत जास्त वेळा संपर्क साधतो. सर्व्हरवरून अतिरिक्त मालवेयर डाऊनलोड करून मोबाईल स्वत:ला अपडेट करतो. त्यामुळे डेटाचा वापर वाढतो.
मोबाईल हॅक झाला असल्यास तो बरीच महत्त्वाची माहिती हॅकर्स वापरत असलेल्या सर्व्हरवर पाठवत राहतो. त्यामुळे डेटाचा वापर अधिक होतो. त्यामुळे तुमचा फोन किती डेटा वापरत आहे त्यावर लक्ष ठेवा. तुमचा फोन अचानक बॅटरीचा जास्त वापर करून लागल्यास सावध व्हा. अनेकदा मालवेअर सॉफ्टवेअर बॅकग्राऊंडमध्ये सुरू असतं. त्यामुळे बॅटरीचा वापर वाढतो. याशिवाय फोनच्या परफॉर्मन्सवरदेखील परिणाम होतो. तो वारंवार रिस्टार्ट होऊ लागतो. तुम्ही इन्स्टॉल केले नसलेले अॅप मोबाईलमध्ये दिसू लागल्यास सतर्क राहा. फोन वापरता वापरता हँग होत असल्यास सावध व्हा. फोन हॅक झाल्यावर अनेकदा पॉपॲड दिसू लागतात.
पहिल्यांदा हे करा
वरील सर्व गोष्टी तुमच्या फोनसोबत होत असल्यास काही गोष्टी तातडीनं करायला हव्यात. सर्वात आधी तुमचा फोन रिसेट करा. याशिवाय तुमचे बँकिंग पासवर्ड, ई-मेल आणि दुसऱ्या अकाऊंटचे पासवर्ड बदला.
हॅकरपासून वाचण्यासाठी
फोन हॅक होऊ नये यासाठी तुम्ही काही गोष्टींची काळजी घेऊ शकता. कोणते ॲप प्ले स्टोअरमधूनच डाऊनलोड करा. कोणत्याही अज्ञात लिंक किंवा वेबसाईटवरून ॲप डाऊनलोड करू नका. फोनच्या सुरक्षेसाठी एखादं चांगलं अँटिव्हायरस सॉफ्टवेअर वापरा.