वाघोली ते पारगाव ही बससेवा लवकर सुरू व्हावी असे मागणी करणारे निवेदन दौंड तालुक्याचे माजी आमदार रमेश थोरात यांच्यासमवेत पोपटराव ताकवणे यांनी व्यवस्थापक लक्ष्मीनारायण शुक्ला यांना दिले आहे. वाघोलीपासून पुढे पीएमटी बससेवा सुरू करण्यास व्यवस्थापक शुक्ला यांनीही सकारात्मक प्रतिसाद दिल्याने पीएमटी बससेवा लवकरच सुरू होईल. गेल्या अनेक वर्षांपासून वाघोली ते राहु बससेवा सुरू आहे. पारगाव हे राहूपासून १२ किलोमीटर अंतरावरती आहे. ही बस सेवा सुरू झाल्यास याचा लाभ रस्त्यावरील पिंपळगाव, देलवडी, लडकतवाडी, वाळकी, नागरगाव, नानगाव आदी गावांना होणार आहे. पारगाव पंचक्रोशीतील ग्रामस्थांना याचा दळणवळणासाठी तसेच वेळ आणि पैसा दोन्हींची बचत होणार असल्याने खूप मोठा फायदा होणार आहे. यावेळी विजय चव्हाण व शांताराम बांदल उपस्थित होते.
२५ केडगाव
लक्ष्मीनारायण शुक्ला यांना निवेदन देताना रमेश थोरात, पोपटराव ताकवणे व इतर.