विमाननगर येथील जॉगर्स पार्क येथे लसीकरण केंद्र सुरू

भाजपाचे शहराध्यक्ष माजी आमदार जगदीश मुळीक यांच्या हस्ते व नगरसेविका मुक्ता जगताप, नगरसेवक राहुल भंडारे यांच्या उपस्थितीत या दुसऱ्या लसीकरण केंद्राचे उद्घाटन करण्यात आले. विमाननगर परिसरातील नागरिकांनी या दोन्ही लसीकरण केंद्रावर येऊन लसीकरणाचा लाभ घ्यावा, असे आवाहन मुळीक यांनी केले. यापूर्वी यमुनानगर येथे सुरुवातीला लसीकरण केंद्र सुरू करण्यात आले आहे. प्रभागातील नागरिकांचा वाढता प्रतिसाद लक्षात घेऊन विमाननगर परिसरात आणखी एका लसीकरण केंद्राची सुरुवात केल्याची माहिती नगरसेवक राहुल भंडारे यांनी दिली. या वेळी भाजपाचे वडगावशेरी मतदारसंघाचे अध्यक्ष संतोष खांदवे, रुपसिंग संधिर, अनिता हनुमंते, सोनू सिंग, सचिन चंदनशिवे, विजय परिहार, सुनील शर्मा, डॉ. बडे, डॉ. धेंडे तसेच महापालिकेच्या वैद्यकीय अधिकारी व कर्मचारी वर्ग उपस्थित होते.