पुणे : भरधाव वाहनचालकाने दिलेल्या धडकेत दुचाकीस्वार तरुण ठार झाला. हा अपघात १५ सप्टेंबरला रात्री अकराच्या सुमारास सासवडकडे जाणा-या उड्डाणपूलावर घडला. सागर दरिअप्पा बंडगर (वय २८, रा. देवाची उरूळी ) असे ठार झालेल्याचे नाव आहे. याप्रकरणी दत्तात्रय चव्हाण (वय ३१, रा. फुरसुंगी) यांनी हडपसर पोलीस ठाण्यात तक्रार दिली आहे.
पोलिसांनी दिलेल्या माहितीनुसार, सागर एका खासगी कंपनीत कामाला होता. १५ सप्टेंबरला दुचाकीवरून घरी जात असताना सासवडकडे जाणा-या उड्डाणपूलावर अज्ञात वाहनचालकाने त्याला धडक दिली. त्यामुळे खाली पडून जखमी झाल्यामुळे त्याच्यावर रुग्णालयात उपचार सुरू होते. उपचारादरम्यान त्याचा मृत्यू झाल्याचे डॉक्टरांनी घोषित केले. याप्रकरणी वाहन चालकाचा शोध घेतला जात असल्याची माहिती पोलीस उपनिरीक्षक एस. एस. गोसावी यांनी दिली.
---