चारचाकीच्या धडकेने दुचाकीस्वार ठार

भरधाव पिकअप गाडीने दुचाकीला धडक दिल्याने झालेल्या अपघातात तरुण ठार झाला. हा अपघात मंचर-पारगाव रस्त्यावर

मंचर : भरधाव पिकअप गाडीने दुचाकीला धडक दिल्याने झालेल्या अपघातात तरुण ठार झाला. हा अपघात मंचर-पारगाव रस्त्यावर अवसरी खुर्द गावच्या हद्दीत गुरुवारी सायंकाळी झाला. सुनील दिलीप उदागे (वय २९, रा. पिंपरखेड) असे अपघातात ठार झालेल्या तरुणाचे नाव आहे.सुनील उदागे हा तरुण त्याच्या मोटारसायकलवरून (एम. एच. १४ ईए ४३५०) ससून रुग्णालयात अ‍ॅडमिट असलेल्या पत्नीला भेटण्यासाठी निघाला होता. पिंपरखेड येथून पारगाव-मंचर रस्त्याने अवसरी खुर्द गावच्या हद्दीत साई लॉनजवळ उदागे यांची मोटारसायकल आली. त्या वेळी मंचर बाजूकडून पारगाव बाजूकडे पिकअप (एम. एच. १४ ए. एच. १३८९) हा भरधाव वेगाने आला.यासंदर्भात फकिरा गिरजू उदागे यांनी मंचर पोलिसात फिर्याद दिली. वाहन हलगर्जीने, अविचाराने चालवून अपघातास कारणीभूत ठरल्याबद्दल पिकअपचालक विलास दगडू थिटे (रा. जऊळके) यांच्याविरोधात मंचर पोलीस ठाण्यात गुन्हा दाखल झाला.पिकअप चालकाच्या बाजूचा टायर फुटून पिकअप मोटारसायकलला जाऊन धडकली. या अपघातात सुनील उदागे यांच्या डोक्याला व उजव्या पायाला मार लागला. त्यांच्यावर सुरुवातीस मंचर उपजिल्हा रुग्णालयात उपचार करण्यात आले. त्यानंतर त्याला वायसीएम हॉस्पिटलमध्ये उपचारासाठी हलविण्यात आले. उपचार सुरू असताना शुक्रवारी सकाळी सुनील उदागे मरण पावले.