पिरंगुट : लवळे फाटा (ता. मुळशी) येथील बँक ऑफ महाराष्ट्र बँकेचे एटीएमचे शटर फोडण्याचा प्रयत्न करणाऱ्या दोघांना व्यक्तींना पौड पोलिसांनी नुकतीच अटक केली.
ऋषिकेश तेलंगे (वय१९,रा, पिरंगुट), अविनाश पवार (वय१९ रा, पिरंगुट) अशी अटक करण्यात आलेल्या आरोपिंची नावे आहेत. पौड पोलिसांनी दिलेल्या माहितीनुसार लवळे फाटा येथे असलेल्या बँक ऑफ महाराष्ट्र या बँकेचे एटीएम असून या एटीएमचे शटर हे रात्री दीडच्या सुमारास दोन व्यक्ती फोडण्याचा प्रयत्न करीत होते. तेव्हा याबाबतचा संदेश नियंत्रण कक्षातून पौड पोलिसांना आला. त्यावेळी क्षणाचाही विलंब न लावता वरिष्ठ पोलीस निरीक्षक व त्यांच्या पथकाने तात्काळ घटनास्थळी धाव घेतली
तरी घटनास्थळी पोलिस आल्याचे पाहतात हे दोघेजण त्या ठिकाणाहून पळून जाऊ लागले. या दोघांचा पाठलाग करून पोलिसांनी मोठ्या शिताफीने त्यांना ताब्यात घेतले आहे.