ओतूर : ओतूर येथून पिकअपमधून गोमांसची वाहतूक करणाऱ्या दोघांना अटक करण्यात आली आहे. त्याच्या कडून १२ टन गोमांस आणि पिकअप असा ७ लाख ५० हजार रूपयांचा मुद्देमाल जप्त करण्यात आला आहे. ही कारवाई ओतूर येथील येथील ब्राह्मणवाडा मार्गावर मोरे चौकात करण्यात आली.
पोलिसांनी दिलेल्या माहितीनुसार, या प्रकरणी सलीम अब्दुल कपाडे (रा. मुंबई नालासोपारा) व कादर मुसा शेख (रा. अहमदनगर) या दोघांना ताब्यात घेण्यात आले असून गुन्हा दाखल करण्यात आला आहे. वरिल दोघे हे पिकअपमध्ये गोमांस घेऊन संगमनेर, ब्राह्मणवाडा ओतूरमार्गे कल्याणला जाणार असल्याची माहिती पोलिसांना मिळाली. त्यानुसार ओतूर पोलिसांनी शुक्रवारी (दि.१४) मध्य रात्री दीडच्या सुमारास ब्राह्मणवाडा रस्ता मोरे चौकात सापळा रचला. मोटारीची तपासणी केली असता त्यात गोमांस आढळून आले. या प्रकरणी पोलीस शिपाई सागर भीमराव शिंदे यांनी ओतूर पोलीस ठाण्यात फिर्याद दिली आहे. सहायक पोलीस निरीक्षक परशुराम कांबळे यांच्या मार्गदर्शनाखाली तपास अधिकारी पोलीस नाईक मुकुंद मोरे करीत आहे.
फोटो आहे