पुणे : शहरात गुरुवारी २५४ कोरोनाबाधित आढळून आले असून, ११९ जण कोरोनामुक्त झाले आहेत़ आज विविध तपासणी केंद्रांवर ९ हजार ५०७ संशयितांची तपासणी करण्यात आली असून, तपासणीच्या तुलनेत कोरोनाबाधितांची टक्केवारी २.६७ टक्के इतकी आढळून आली आहे.
शहरातील सक्रिय रुग्णसंख्या ही २ हजार १८६ असून, आज दिवसभरात १२ जणांचा मृत्यू झाला आह़े़ यापैकी ७ जण हे पुण्याबाहेरील आहेत़ शहरातील आजचा मृत्यूदर हा १.८० टक्के इतका आहे.
पुणे महापालिकेच्या आरोग्य विभागाने दिलेल्या माहितीनुसार, शहरातील गंभीर रुग्णसंख्या ही २०६ इतकी असून, आॅक्सिजनसह उपचार घेणा-यांची संख्या २५८ इतकी आहे. शहरात आत्तापर्यंत ३० लाख ३६ हजार २२३ जणांची कोरोना तपासणी करण्यात आली असून, यापैकी ४ लाख ९१ हजार २६२ जण कोरोनाबाधित आढळून आले आहेत. तर यापैकी ४ लाख ८० हजार २०८ जण कोरोनामुक्त झाले आहे. शहरात आजपर्यंत ८ हजार ८६८ जणांचा मृत्यू झाला आहे.