तन्मय फडणवीस हे विरोधी पक्षनेते देवेंद्र फडणवीस यांचे पुतणे आणि माजी मंत्री शोभा फडणवीस यांचे सख्खे नातू आहेत. काही दिवसांपूर्वी वयाच्या नियामत बसत नसतानाही त्यांनी कोरोनावरीस लस घेतली होती. तन्मय यांच्या ट्विटरवर पाहिले तर त्यांनी अभिनेता असल्याचे नमूद केले आहे. परंतु राज्य सरकारकडे लस घेत असताना हेल्थकेअर वर्कर म्हणून त्यांनी उल्लेख केला असल्याची माहिती यादव यांना माहीती अधिकारात उघड झाली आहे. यादव यांनी ही माहिती मागवली होती.
एकीकडे देशात मोठ्या प्रमाणात लसीचा तुडवडा असताना अशा पद्धतीने लस घेणे कितपत योग्य आहे, हा मोठा प्रश्न या निमित्ताने पडतो. विरोधी पक्षनेते देवेंद्र फडवणीस वेळोवेळी नैतिकतेच्या व नियमांच्या गप्पा मारतात. त्यामुळे तन्मय फडणवीस यांना नक्की कोणत्या कारणाने लस दिली गेली याबद्दल माजी मुख्यमंत्री देवेंद्र फडणवीसच सांगू शकतील, असे यादव यांनी म्हटले आहे.