पुणे : कलाश्री संगीत मंडळाच्या वतीने ‘स्वरभास्कर’ पं. भीमसेन जोशी यांच्या स्मृतिदिनानिमित्त दि. २३ व २४ जानेवारीला विशेष कार्यक्रमाचे आयोजन करण्यात आले आहे.
शनिवारी (दि. २३) पंडित सुधाकर चव्हाण, पंडित अमोल निसळ यांच्या गायनासह सारंग कुलकर्णी यांचे सरोदवादन होणार आहे. रविवारी (दि. २४) पं. भीमसेन जोशी यांचे पुत्र श्रीनिवास जोशी, सानिया पाटणकर यांचे गायन आणि रईस बाले खाँ यांचे सतारवादन होणार असून, त्यांना गंगाधर शिंदे, पांडुरंग पवार, नंदकिशोर ढोरे, नीलेश रणदिवे, गंभीरमहाराज साथसंगत करणार आहेत.
हा कार्यक्रम शिवाजीनगर येथील सवाई गंधर्व स्मारक येथे सायंकाळी साडेपाच वाजता आयोजित करण्यात आला आहे. हा कार्यक्रम विनामूल्य असल्याची माहिती मंगळवारी प्रा.सुधाकर चव्हाण आणि सानिया पाटणकर यांनी पत्रकार परिषदेत दिली.
........