झोपडपट्टीचा चेहरामोहरा बदलणार

प्रभाग क्रमांक २८ महर्षीनगर-सॅलसबरी पार्कचे भाजपाचे अधिकृत उमेदवार श्रीनाथ भिमाले, प्रवीण चोरबेले, कविता वैरागे, राजश्री शिळीमकर

बिबवेवाडी : प्रभाग क्रमांक २८ महर्षीनगर-सॅलसबरी पार्कचे भाजपाचे अधिकृत उमेदवार श्रीनाथ भिमाले, प्रवीण चोरबेले, कविता वैरागे, राजश्री शिळीमकर यांच्या उपस्थितीत संपूर्ण प्रभागातून पदयात्रेचे आयोजन करण्यात आले होते. या वेळी अविनाश शिळीमकर यांनी सांगितले, की डायस प्लॉटमध्ये झालेले रस्ते, स्वच्छतागृह, ड्रेनेज व्यवस्था पाहून आपण एखाद्या उच्चभू्र परिसरात आलो आहोत, असा भास होत आहे. या ठिकाणी आमचे हे चारही उमेदवार पुढील काळात या ठिकाणी प्रत्येक घरासाठी स्वच्छतागृह, तसेच पिण्याच्या पाण्याचे कनेक्शन, संपूर्ण भागातील लाइट अंडरग्राउंड करतील. मोठा व अद्ययावत सोयी असलेला पालिकेचा दवाखाना, प्रत्येकाला पक्के घर मिळेल, यासाठी प्रयत्न केले जातील. केंद्रात व राज्यात होत असलेली विकासकामांची गंगा आपल्या प्रभागात आणण्यासाठी चारही उमेदवार कटिबद्ध आहेत, असे ते म्हणाले. नगरसेविका मनीषा चोरबेले, वंदना भिमाले, डॉ. भरत वैरागे, अविनाश शिळीमकर, राजेंद्र सरदेशपांडे, हेमंत देशपांडे, गणेश शेरला, सुशील लोंढे, शरद पायगुडे, किरणराम सिन्हा, दीपक देशपांडे, अतिश काथवटे, श्याम आवळे, मनोज भापकर, मनीष शिंदे, निखिल शिळीमकर, चेतन चावेर, लक्ष्मण कनोजे, संजय शिळीमकर, अरुण काळे, संदीप पारखे, प्रशांत डिकवळे, ज्ञानेश्वर सलगर, ओकार अकाले, चंद्रकांत गायकवाड, बाबूराव पक्षाळे यांच्यासह या भागातील अनेक नागरिक मोठ्या संख्येने उपस्थित होते.