शिवसेनेचे मताधिक्य; राष्ट्रवादीला धोका

पिंपरी विधानसभा मतदारसंघात शिवसेनेचे श्रीरंग बारणे यांना तब्बल ५७ हजारांचे मताधिक्य मिळाले

पिंपरी : पिंपरी विधानसभा मतदारसंघात शिवसेनेचे श्रीरंग बारणे यांना तब्बल ५७ हजारांचे मताधिक्य मिळाले. त्या भागातील आमदार अण्णा बनसोडे हे राष्टÑवादी काँग्रेसचे असूनही लोकसभा निवडणुकीत राष्टÑवादीचे राहुल नार्वेकर यांना अल्प मते मिळाली. हे मताधिक्य राष्टÑवादीला धोक्याचे संकेत देणारे असून, राष्टÑवादीचे नेते स्थानिक पदाधिकारी यांना आत्मचिंतन करायला भाग पाडणारे आहे. दापोडी ते निगडीपर्यंतचे महापालिकेचे ४२ प्रभाग पिंपरी विधानसभा मतदारसंघात येतात. त्यामध्ये राष्टÑवादी काँग्रेसचे सर्वाधिक २६ नगरसेवक आहेत. भाजपचा १, शिवसनेचे २, आरपीआय १ असे महायुतीच्या नगरसेवकांचे पक्षीय बलाबल आहे. आमदार राष्टÑवादीचे,नगरसेवकांची संख्या अधिक तरिही राष्टÑवादीची झालेली पीछेहाट विचार करायला लावणारी आहे. राष्टÑवादीची ताकद असूनही शिवसेनेच्या उमेदवारास ५७ हजारांचे मताधिक्य मिळते, हे राष्टÑवादी काँग्रेसला आगामी काळात घातक ठरू शकते. याचे संकेत या निवडणुकीने दिले आहेत. राष्टÑवादी काँग्रेसने वेळीच उपाययोजना केल्या नाहीत तर आगामी काळ त्यांना कठीण जाणार आहे. मागील विधानसभा निवडणुकीतील या मतदार संघातील मतांच्या आकडेवारीवर नजर टाकली तरी आगामी काळात काय संकट येईल, हे त्यांच्या लक्षात यायला वेळ लागणार नाही. गत निवडणुकीत राष्टÑवादीच्या अण्णा बनसोडे यांना टक्कर देणारे अमर साबळे यांना दुसर्‍या क्रमांकांची मते मिळाली होती. त्या वेळी शहरवासीयांसाठी ते नवखे होते. आता परिस्थिती बदलली आहे. शिवसेना भाजपला आणखी अनुकुल परिस्थिती निर्माण झाली आहे. जागा वाटपात ही जागा भाजपकडे असणार आहे. साबळे आता या शहरासाठी नवखे राहिलेले नाहीत. या लोकसभा निवडणुकीत पिंपरी विधानसभा मतदारसंघात एकूण ३ लाख ६८ हजार ७६ पैकी १ लाख ७९ हजार ४६१ इतके मतदान झाले. शिवसेना-भाजप महायुतीचे बारणे यांना ९५ हजार ८८९ मते मिळाली. शेकापचे लक्ष्मण जगताप यांना ३८ हजार ३५९ इतकी आणि राष्टÑवादी काँग्रेसचे राहुल नार्वेकर यांना तिसर्‍या क्रमांकाची २१ हजार ७१ मते मिळाली. बसपाचे टेक्सास गायकवाड यांना ६८९७, मते ‘आप चे मारुती भापकर यांना ८६२६ मते मिळाली. शिवसेनेचे बारणे यांना ५७ हजार ५३० मतांची आघाडी मिळाली. ही महायुतीसाठी जशी जमेची बाजू आहे, तशी पुढील काळात राष्टÑवादीसाठी तोट्याची ठरणारी आहे. झोपडपट्टीतील मतदान हे या मतदारसंघात निर्णायक मानले जाते. ते या वेळी महायुतीच्या बाजूने झाल्याने बारणे यांना आघाडी मिळण्यास मदत झाली. पक्षविरोधी काम करणार्‍यांची गय केली जाणार नाही, अशी उपमुख्यमंत्री अजित पवार यांनी तंबी देऊनही काही फरक पडला नाही. राष्टÑवादी काँग्रेसचे उमेदवार उमेदवार नार्वेकर यांच्या झोळीत अवघी २० हजार मते पडली. आगामी विधानसभा निवडणूक लढण्याच्या तयारीत असलेल्या विद्यमान आमदार बनसोडे यांच्यासह नगरसेवक जगदीश शेट्टी, गौतम चाबुकस्वार यांना प्रयत्नांची शिकस्त करावी लागणार आहे. (प्रतिनिधी)