पुणे : अल्पवयीन मुलीवर बलात्कार केल्यानंतर, ६ महिन्यांपासून फरार असलेल्या आरोपीला पकडण्यात भारती विद्यापीठ पोलिसांना यश आले आहे.
प्रशांत प्रकाश गायकवाड (वय २०, रा. जुना बाजार, मंगळवार पेठ) असे त्याचे नाव आहे. प्रशांत गायकवाड याच्याविरुद्ध भारती विद्यापीठ पोलीस ठाण्यात बलात्कार व पोस्कोअंतर्गत गुन्हा दाखल झाला होता. त्यानंतर ६ महिन्यांपासून तो पोलिसांना गुंगारा देत होता. भारती विद्यापीठ पोलीस ठाण्यातील तपास पथकामधील पोलीस अंमलदार शिवदत्ता गायकवाड यांना प्रशांत हा कात्रज भाजी मंडई येथे थांबला असल्याची माहिती मिळाली. त्यानुसार पोलीस उपनिरीक्षक अंकुश कर्चे यांना ही माहिती कळविली. त्यानंतर तपास पथकाने कात्रज भाजी मंडई येथे थांबलेल्या प्रशांत गायकवाड याला ताब्यात घेतले. पोलीस उपनिरीक्षक अविनाश ढमे अधिक तपास करीत आहेत.