कनेरसर येथे जुगार अड्डयावर छापा

खेड पोलीस ठाण्याचे पोलीस निरीक्षक सतीश गुरव यांच्या मार्गदर्शनाखाली पोलिसांना गोपनीय खबऱ्यामार्फत माहिती मिळाली की, कनेरसर वाफगावरोडलगत शिंदेवस्तीलगत एका आंब्याच्या झाडाच्या खाली जुगार सुरू आहे. मिळालेल्या माहितीनुसार पोलीस हवालदार सचिन जतकर, स्वप्रील गाढवे, निखिल गिरिगोसावी यांनी बुधवारी (दि .१० रोजी )दुपारी छापा टाकला. यामध्ये विनायक गोपीनाथ जाधव (वय २९ ),विलास लक्ष्मण चौधरी (वय५९ ), कैलास पोपट पोखरकर (वय४० ), ज्ञानेश्वर तुकाराम तांबे ( वय ५२ ), ( हे रा. वरूडे ता खेड, दादाभाऊ रामभाऊ मांदळे (वय ४४ ), नामदेव मारूती शिंदे (वय ४८ )रा. वाफगाव (ता खेड ) हे तीन पानी जुगार पैशावर खेळताना आढळून आले. त्यांच्याकडून ५ हजार रुपये व जुगारीचे साहित्य पोलिसांनी जप्त केले आहे. पुढील तपास पोलीस हवालदार बाळकुष्ण साबळे करित आहे.