कसबा पेठेतील संत गाडगे महाराज सांस्कृतिक भवन वास्तूच्या रौप्य महोत्सवी वर्षानिमित्त वास्तू उभारणीच्या योगदानातील ज्येष्ठ सामाजिक कार्यकर्त्यांचा कृतज्ञता सन्मान देखील करण्यात येणार आहे. यावेळी माजी उपमहापौर सुरेश नाशिककर, उद्योजक रमाकांत कदम, दिव्यांग कल्याणकारी विभाग महाराष्ट्र सरकारचे उपायुक्त संजय कदम, परीट सेवा मंडळ महाराष्ट्र राज्याचे अध्यक्ष राजेंद्र खैरनार व कवयित्री अमृता खाकुर्डीकर आदी मान्यवर उपस्थित राहणार आहेत.
कार्यक्रमात सुरेश नाशिककर, अनंत शिंदे, शिवाजी पवार, बाळासाहेब भोसले, छाया ठाणेकर, बाबासाहेब जाधव, बबन पवार, नाना आदमाने, पुष्पा भोसले यांचा सन्मान करण्यात येणार आहे. त्याचबरोबर कै. मोहन जाधव यांचा सन्मान हेमा जाधव स्वीकारणार आहेत तर कै. सुर्यकांत शिंदे यांचा सन्मान अंजली शिंदे स्वीकारणार आहेत.