पुणे : शहरातील गेले दोन दिवस अडीच-साडेतीन हजारांपर्यंत आलेली कोरोनाबाधितांची वाढ बुधवारी पुन्हा साडेचार हजारांच्या जवळ पोहोचली आहे़ आज ४ हजार ४५८ नवे रुग्ण आढळून आले आहेे. दिवसभरात १६ हजार ४४६ जणांची तपासणी करण्यात आली आहे़ तपासणीच्या तुलनेत कोरोनाबाधितांची टक्केवारी ही २७़ १० टक्के इतकी आहे़
पुणे महापालिकेच्या आरोग्य विभागाने दिलेल्या माहितीनुसार, शहरातील विविध रूग्णालयांमध्ये ३ हजार १८८ जणांवर ऑक्सिजनसह उपचार सुरू आहेत़,तर ७९९ रूग्ण हे गंभीर आहेत़ तर दुसरीकडे ३ हजार ३७४ कोरोनाबाधितही आज कोरोनामुक्त झाले आहेत़ आज दिवसभरात ४३ जणांचा मृत्यू झाला आहे़ यापैकी ११ जण पुण्याबाहेरील आहेत़ शहरातील सक्रिय रूग्णसंख्या ही ३३ हजार ८५८ इतकी झाली आहे़
शहरात आजपर्यंत १५ लाख ३० हजार ३५ जणांची कोरोना तपासणी करण्यात आली असून, यापैकी २ लाख ६९ हजार ३४३ जण कोरोनाबाधित आढळून आले आहेत. यापैकी २ लाख ३० हजार १८३ जण कोरोनामुक्त झाले आहेत़ शहरातील एकूण मृत्यूची संख्या ५ हजार ३०२ इतकी झाली आहे़