आम्ही त्यावेळेसही शेतकऱ्यांच्या बरोबर होतो व आजही शेतक-यांच्या बाजुने उभे राहु. येथील शेतक-यांचा विमानतळास विरोध असेल तर विमानतळ होणार नाही तसे न केल्यास वेळप्रसंगी रस्त्यावर उतरुन तीव्र आंदोलन करण्याचा इशारा भारतीय जनता पक्षाचे पश्चिम महाराष्ट्र अध्यक्ष जालींदर कामठे यांनी दिला .
पुरंदर तालुक्यातील कुंभारवळण एखतपूर खानवडी वनपुरी,मुंजवडी पारगाव उदाचीवाडी या गावांमध्ये विमानतळास परवानगी मिळालेली होती त्यावेळेस शासनाने शेतकऱ्यांशी चर्चा न करता निर्णय घेतल्यामुळे मोठ्या प्रमाणावर आंदोलन झाले त्यामध्ये आम्ही अनेक आंदोलनात भाग घेऊन शेतकऱ्यांच्या पाठीशी ठामपणे उभा राहून शेतकऱ्यांना मदत व सहकार्य केले. तालुक्यातील रिसे, पिसे पांडेश्वर या गावांमध्ये नव्याने विमानतळाबाबत हालचाली सुरु आहेत. आमदार संजय जगताप यांनी या भागातील शेतकऱ्यांना विश्वासात घेऊन निर्णय घ्यावा. शेतकऱ्यांच्या विरोध असल्यास विमानतळ होणार नाही तसे न केल्यास रस्त्यावर उतरुन तीव्र आंदोलन करण्याचा इशारा जालींदर कामठे यांनी दिला.