लोकमत न्यूज नेटवर्क
पुणे : तिसऱ्या कुडो इंडिया सांघिक आंतर क्लब टेनिस अजिंक्यपद टेनिस स्पर्धेत उपांत्यपूर्व फेरीत मंदार वाकणकर टेनिस अकादमी (एमडब्लूटीए) व डेक्कन चार्जर्स या संघानी अनुक्रमे टेनिसनट्स रॉजर व सोलारिस आरपीटीए या संघांचा पराभव करत उपांत्य फेरीत प्रवेश केला.
फर्ग्युसन कॉलेज टेनिस कोर्ट येथे आठवड्याच्या दर शनिवार व रविवार या दिवशी खेळल्या जाणाऱ्या या स्पर्धेत उपांत्यपूर्व फेरीत प्रवीण पांचाळ, सुमंत पॉल, आशिष मणियार, राजेश मंकणी, अजित सैल, मंदार वाकणकर, विवेक खडगे, श्याम पेडणेकर यांच्या विजयी कामगिरीच्या जोरावर एमडब्लूटीए संघाने टेनिसनट्स रॉजर संघाचा पराभव करून दिमाखात उपांत्य फेरी गाठली.
दुसऱ्या सामन्यात डेक्कन चार्जर्स संघाने आपली विजयी घोडदौड कायम ठेवत सोलारिस आरपीटीए संघाचा पराभव करून उपांत्य फेरीत धडक मारली. विजयी संघाकडून चिराग रुणवाल, माधव घाटे, अजय कामत, मदन गोखले, ऋषिकेश पाटसकर, मुकुंद जोशी, आशिष पुंगलिया, चिराग शहा यांनी अफलातून कामगिरी बजावली. स्पर्धेत उपांत्य फेरीत एमडब्लूटीए संघाचा सामना डेक्कन चार्जर्स संघाशी तर, दुसरा सामना फर्ग्युसन कॉलेज अ व टेनिस टायगर्स यांच्यात होणार आहे.
स्पर्धेचा सविस्तर निकाल : उपांत्यपूर्व फेरी :
एमडब्लूटीए वि.वि. टेनिसनट्स रॉजर २४-०९
१०० अधिक गट : प्रवीण पांचाळ-सुमंत पॉल वि.वि. अनिल कोठारी-रवी कोठारी ६-१,
९० अधिक गट : आशिष मणियार-राजेश मंकणी वि.वि. सुधीर पिसाळ-कन्नन राघवन ६-२,
खुला गट : अजित सैल-मंदार वाकणकर वि.वि. भूषण सरदेसाई-वेंकटेश आचार्य ६-३,
खुला गट : विवेक खडगे-श्याम पेडणेकर वि.वि. जॉय बॅनर्जी-नितीन सावंत ६-३,
डेक्कन चार्जर्स वि.वि. सोलारिस आरपीटीए २४-१२
१०० अधिक गट : चिराग रुणवाल-माधव घाटे वि.वि. हेमंत भोसले-जयंत पवार ६-४,
९० अधिक गट : अजय कामत-मदन गोखले वि.वि. रवींद्र कात्रे-संजीव घोलप ६-०,
खुला गट : ऋषिकेश पाटसकर-मुकुंद जोशी वि.वि. रवींद्र पांडे-अन्वित पाठक ६-४,
खुला गट : आशिष पुंगलिया-चिराग शहा वि.वि. जयंत पवार-नीरज आनंद ६-४,