मढ : माळशेज घाटामध्ये आज पहाटे चारच्या सुमारास दरड कोसळली. यामुळे वाहतूक बंद झाली होती. मात्र, प्रशासनाच्या सतर्कतेमुळे तीन तासांत अडथळे दूर झाल्याने सातच्या सुमारास वाहतूक पूर्ववत सुरू झाली.
डोंगरावरील तीन ते साडेतीन मीटर उंचीचा दगडाचा मोठा कडा व त्याबरोबर इतरही मोठाले दगड महामार्गावर आले होते. त्यामुळे महामार्ग बंद झाला होता. दरम्यान घाटात गस्त घालणारी पोलिसांची गाडी तेथे आल्याने हा प्रकार त्यांच्या लक्षात आला. त्यांनी सार्वजनिक बांधकाम विभागाला (मुरबाड) तत्काळ ही माहिती दिली. उपविभागीय अभियंता बी. पी. सरोदे यांनी तत्काळ दखल घेऊन कमचा:यांबरोबर घटनास्थळी जाऊन पाहणी केली. जेसीबी व पोकलेनच्या साह्याने रस्त्यावरील मोठा दगड व राडारोडा बाजूला केला. त्यामुळे सकाळी सातर्पयत वाहतूक सुरळीत झाली.
टोकवडे पोलीस ठाण्याचे सहायक पोलीस निरीक्षक अडगळे याच्याशी संर्पक साधला असता, ते म्हणाले, की आमचे पोलीस पथक माळशेज घाटात पेट्रोलिंग करीत असताना हा प्रकार त्याच्या लक्षात आल्यानंतर बांधकाम विभागाला हा प्रकार कळविला.
सार्वजनिक बांधकाम विभाग मुरबाडचे अधिकारी व कर्मचारी तसेच टोकावडे पोलीस ठाण्याचे सर्व अधिकारी व कमचारी यांनी युद्धपातळीवर काम करून वाहतूक सुरळीत केली. वाहनचालकांनी घाटातून वाहने चालविताना सावधानता बाळगावी व घाटातील रस्त्यात कोठेही वाहन उभे ेकरू नये. जेणोकरून वाहतुकीला अडथळा येणार नाही, असे आवाहन पोलिसांनी केले आहे.(वार्ताहर)