श्री क्षेत्र रांजणगाव गणपती देवस्थान ट्रस्टच्या वतीने पहाटे ५ वा.श्रींची अभिषेक व नैमित्तिक पूजा करण्यात आली.
देवस्थानच्या वतीने दु.१२ वा. महापुजा व महानैवेद्य आदी धार्मिक कार्यक्रम करण्यात आल्याचे विश्वस्त प्रा.नारायण पांचुदकर यांनी सांगितले. दर चतुर्थी प्रमाणे याही चतुर्थीला प्रगतशील शेतकरी नानासाहेब दिनकरराव पाचुंदकर यांच्या वतीने श्री महागणपतीला अर्पण करण्यात आलेल्या फुलांची मंदिर व परिसरात आकर्षक सजावट करण्यात आली असे ऍड विजयराज दरेकर यांनी सांगितले.
महाराष्ट्र राज्य शासनाने ठरवून दिलेल्या नियमावली प्रमाणे नियमांचे पालन व्हावे तसेच लॉकडाऊनच्या कालखंडानंतर पहिलीच संकष्ट चतुर्थी असल्याने रांजणगाव एमआयडीसी पोलीस स्टेशनचे पोलीस निरीक्षक सुरेशकुमार राऊत यांच्या मार्गदर्शनाखाली चोख बंदोबस्त ठेवण्यात आला होता.चतुर्थीचे औचित्य साधून साईदीप मोल्डिंग इंडस्ट्रीज प्रा. लि. यांच्याकडून ऑटोमॅटिक सॅनिटायझर डिस्पेन्सर दोन मशीन देवस्थान ट्रस्ट देण्यात आल्या. तसेच एका गणेश भक्ताकडून मंदिर परिसरात १ हजार पणत्या लावण्यात आल्या. यावेळी देवस्थान ट्रस्टचे विश्वस्त डॉ.संतोष दुंडे, प्रा. नारायण पाचुंदकर, अँड. विजयराज दरेकर, व्यवस्थापक बाळासाहेब गोऱ्हे, हिशोबणीस संतोष रणपिसे तसेच पुजारी मकरंद कुलकर्णी व पुजारी प्रसाद कुलकर्णी उपस्थित होते.
--
भाविकांची थर्मल चाचणी करुनच प्रवेश
लॉक डाऊन नंतर १६ नोव्हेंबर रोजी मंदिर भाविकांना दर्शनासाठी खुले करण्यात आले त्यानंतरच्या पहिल्या चतुर्थीला भाविकांचा अल्प प्रतिसाद दिसून आला असून देवस्थानच्या वतीने दर्शनासाठी येणाऱ्या भाविकांचे थर्मलगन द्वारे तापमान व ऑक्सिमिटरच्या सहाय्याने ऑक्सिजन लेव्हल तपासणी करण्यात येत असून दररोज मंदिर व मंदिर स्वच्छ करण्यात येत असल्याचे व्यवस्थापक गोऱ्हे यांनी सांगितले.
--