लोकमत न्यूज नेटवर्क
पुणे : धायरीतील महापालिकेच्या मुरलीधर लायगुडे दवाखान्यात २४ तास लसीकरणाची व्यवस्था करण्यात आली आहे. दिवसा नागरिकांना व रात्री सरकारी कर्मचाऱ्यांना लस देण्यात येते.
वय ४५ च्या पुढे असणार्या सर्वांसाठी लस खुली केल्याने लायगुडे दवाखान्यात लसीकरणासाठी गर्दी होत आहे. गुरूवारी दिवसा व रात्री मिळून १३०० जणांना लस देण्यात आली. शनिवारी सायंकाळी ७ पर्यंत ४६५ नागरिकांना लस दिली गेली.
स्वँब टेस्टिंग साठी येणारे व लसीकरणासाठी येणारे यांना स्वतंत्र कक्ष केले आहेत. लस दिल्यानंतर ३० मिनीटे विश्रांती घेण्यासाठीही स्वतंत्र कक्ष करण्यात आला आहे. सकाळी ७ ते ९ नागरिक व रात्री ९ ते सकाळी ७ या वेळात डॉक्टर, सरकारी, महापालिकेचे अधिकारी, कर्मचारी यांना लस देण्यात येते.