पुणो : स्थानिक संस्था कर (एलबीटी)ची नोंदणी करूनही जानेवारी ते मार्च 2क्14 या तीन महिन्यांच्या कालावधीत एक रुपयाही एलबीटी न भरणा:या 4 रिटेल कंपन्यांच्या आउटलेटवर महापालिकेच्या एलबीटी विभागाकडून आज शहरात नऊ ठिकाणी छापे घातले. या कारवाईत सुमारे 4 कोटी रुपयांवरील मालाचा एलबीटी या कंपन्यांनी भरला नसल्याचे समोर आले असल्याची माहिती पालिकेच्या एलबीटी विभागाचे प्रमुख उपायुक्त विलास कानडे यांनी दिली.
मार्च महिन्यात झालेल्या लोकसभा निवडणुकीपूर्वी राज्यातील व्यापा:यांनी एलबीटी रद्द करण्याची मागणी केली होती. त्यास केंद्र, तसेच राज्य शासनानेही सकारात्मक प्रतिसाद दिल्याने अनेक व्यावसायिकांनी एलबीटी रद्द होण्याची शक्यता गृहीत धरून एलबीटी भरणो बंद केले होते. अशा व्यावसायिकांची यादी पालिकेकडून राज्य शासनास पाठविण्यात आली होती. त्यानुसार, ज्यांनी कर भरला नाही. त्यांच्यावर कारवाई करण्याचे आदेश राज्य शासनाने महापालिकेस दिले होते. त्यानुसार, आज शहरात एकच वेळी चार व्यावसायिकांच्या आउटलेटवर कारवाई करण्यात आली.
त्यात स्कॉटलंड सिक्युरिटीज, परपेच्युअल शेड्स, पुष्पांजली कलेक्शन, एच. जी. रिटेलर व्हेंचर्स या कंपन्यांचा समावेश असल्याचे कानडे यांनी सांगितले. या व्यावसायिकांकडे केलेल्या तपासणीत सुमारे 4 कोटी रुपयांच्या मालावरील एलबीटी बुडविण्यात आला असून, रात्री उशिरार्पयत ते वसूल करण्याचे काम सुरू असल्याचे कानडे म्हणाले. (प्रतिनिधी)