धामणीतील खंडोबा मंदिराचा होणार जीर्णोद्धार : गावडे

कुलदैवत खंडोबाचे दर्शनासाठी कुटुंबीयासह आले असताना त्यांनी मंदिराच्या परिसराची व मंदिरात सुरू असलेल्या जीर्णोद्धाराच्या कामाची पाहणी करून समाधान व्यक्त केले. मंदिरातील दर्शनबारी, जागरण देवकार्य सभामंडप, शिखराचे नूतनीकरण, हत्ती व सिंहाची संगमरवरी शिल्पे, मंगलकार्यासाठी बांधण्यात येत असलेला कुलस्वामी सभामंडप आदी कामे करुन मंदिर व परिसराचा चेहरामोहरा बदलला असल्याचे गावडे यांनी सांगितले. कुलस्वामी सभामंडपाच्या शेजारी नवीन सभामंडप बांधण्यासाठी गावडेवाडी ग्रामस्थ व अशोकराव गावडे कुटुंबीय सर्वतोपरी सहकार्य करणार असल्याचे त्यांनी या वेळी जाहीर केले. या वेळी धामणी ग्रामस्थाच्या वतीने गावडे व त्यांच्या पत्नी नवी मुंबईच्या नगरसेविका निर्मला गावडे यांचा सत्कार करण्यात आला. याप्रसंगी शिवाजी धर्माजी गावडे, दादाभाऊ भगत, सुभाष तांबे, डाॅ. महेश जाधव, रामदास जाधव, राजेश भगत,प्रभाकर भगत, शांताराम भगत व गावडेवाडीचे ग्रामस्थ उपस्थित होते.