ओझर : ओझर, खोडद, ओतूर, मढ आणि परिसरातील गावांमध्ये घरफोडी व मारहाणीच्या अफवांमुळे गावांतील महिला व लहान मुलांमध्ये दहशतीचे वातावरण पसरले आहे. भीतीमुळे आबालवृद्धांची झोप उडाली आहे.
प्रत्यक्षात कोणत्याही गावात चोरी अथवा मारहाणीचा प्रकार घडला नाही. परंतु सोशल मीडियाचा
या अफवांसाठी वापर होत आहे. नागरिकांनी अशा प्रकारच्या कोणत्याही अफवांवरती विश्वास ठेवू नये, असे आवाहन पोलिसांनी
केले आहे.
या अफवांचा प्रत्यक्षात त्रस
हा रात्रभर गस्त घालणा:या
शेकडो तरुण, पोलीस ठाण्यातील अधिकारी कर्मचारी यांना होत
आहे. कोणत्याही गावातून
फोन आल्याबरोबर पोलिसांची
गस्त पथक गाडी त्या ठिकाणी
तत्काळ पोहोचते. परंतु, प्रत्यक्षात
त्या ठिकाणी कोणतीही घटना घडलेली नसते.
हा प्रकार गेली चार ते पाच दिवस सातत्याने सुरु आहे.
14 सप्टेंबर रोजी रात्री 7.45 वा. शिरोली खुर्द येथील शेरी वस्तीत शेतामध्ये चोर लपून बसल्याची अफवा पुढे आली. तातडीने ही खबर गावभर पोहोचली.
जुन्नर पोलीस स्टेशनला तत्काळ फोन झाला. पोलीस स्टेशनची गाडी तातडीने घटनास्थळी पोहोचली.
शेकडो ग्रामस्थ जमा झाले; परंतु प्रत्यक्षात काहीही हाती लागले नाही.
हा हा म्हणता ही बातमी वा:यासारखी सोशल मीडियाद्वारे तालुकाभर पसरली.
त्याचबरोबर ओझर, तेजेवाडी, शिरोली खुर्द, कुमशेत, नेतवड, माळवाडी, हापूसबाग, आगर, बल्लाळवाडी, उदापूर या गांवामध्ये पोहोचल्याबरोबर गावातील शेकडो तरुण काठय़ा, बॅटरी घेऊन आपापल्या गावांत रस्त्यावरती गस्तीसाठी जमा झाले.
(वार्ताहर)
4शिरोली खुर्द येथील शेरी वस्तीत शेतामध्ये चोर लपून बसले.
4कुसूर या ठिकाणी दरोडा
पडला आहे.
4शिरोली खुर्दमध्ये घरामध्ये घुसून महिलेचे हात तोडले
अशा बोगस अफवांचे पेव फुटले आहे. परंतु प्रत्यक्षात हे प्रकार घडला नसल्याचे जुन्नर पोलीस ठाण्याचे पोलीस उपनिरीक्षक विजया मेहेत्रे यांनी सांगितले.
नागरिकांनी
अशा प्रकारच्या कोणत्याही अफवांवरती विश्वास ठेवू नये. पोलिसांची गस्तपथक गाडी रात्रभर फिरती असून, नागरिकांनी घाबरून न जाता रात्री- अपरात्री कोणत्याही प्रकारचे मदतीसाठी जुन्नर पोलीस ठाण्याच्या क्2132-222क्33 या क्रमांकावर संपर्क साधावा
- कैलास पिंगळे
सहायक पोलीस
निरीक्षक, जुन्नर