आनंदनगर परिसरातील नागरिकांनी गेल्या चार वर्षांपासून तोंडी, लेखी अर्जांद्वारे पुणे महानगरपालिकेशी सातत्याने पाठपुरावा केला असून त्यांना केवळ पोकळ आश्वासने दिली जातात परंतु कोणीही याची गांभीर्याने दखल घेत नाही.
नागरिकांची प्रतिक्रिया
अशोक भुजबळ- ही समस्या तीन वर्षांपासून आहे. चेंबर ब्लॉक होत असल्याने दुर्गंधीयुक्त घाण पाणी रोडवरव येत आहे. येथील नेते व बांधकाम व्यावसायिक यास जबाबदार आहेत. आम्ही लोकवर्गणीतून ड्रेनेज लाईन केली आहे. लोणकरवस्ती ते ग्राफिटी, गणेश महानगरी सोसायटीचे १८ इंची ड्रेनेज आनंदनगरच्या ८ इंची ड्रेनेजला जोडले आहे. पाच वर्षांपासून स्थानिक आमदार व लोकप्रतिनिधींना सांगितले पण कामे होत नाहीत. मनपा येऊन चार वर्षे झाली. अधिकारी, नगरसेवक व आमदार यांना भेटून निवेदन दिलेत. परंतु त्यांनी फक्त आश्वासने दिलीत. पुणे मनपाला समस्या सोडविता येत नसतील तर त्यांनी चार वर्षाचा मिळकतकर परत करावा. जर प्रश्न सुटला नाही तर आम्ही सर्व नागरिक आंदोलन करू.
शबाना शेख-आम्ही पुणेमहानगरपालिका वाढीव कर भरत आहे. स्ट्रीट लाईट, ड्रेनेज, रस्ता व्यवस्था नियोजन अजिबात होत नाही. आजारपणाला पैसा कोठून आणायचा? कर का द्यायचा?आमचा प्रश्न सोडवा. आम्ही आता कोणाकडे दाद मागणार.
अनिल भांडवलकर – तत्कालीन केशवनगर ग्रामपंचायत सदस्य व बांधकाम व्यावसायिक यांच्या चुकीच्या नियोजनामुळे हजारो नागरिकांच्या आरोग्याचा व पर्यावरणाचा निर्माण झालेला मोठा प्रश्न विद्यमान सर्व लोकप्रतिनिधींनी पुढाकार घेऊन व पुणे महानगरपालिकाने येथील रहिवाशांचा कर घेऊन येथेच तत्काळ २४ इंच गटार लाईन टाकून द्यावी व होणारे आंदोलन टाळावे.
फोटो ओळः केशवनगर येथील आनंदनगर परिसरात ड्रेनेज चेंबरमधून मैलामिश्रित दुर्गंधीयुक्त घाण पाण्यामुळे नागरिकांचे आरोग्य धोक्यात आले आहे.