बारामती: तुळजाराम चतुरचंद महाविद्यालयाचा विद्यार्थी गणेश नंदकुमार दडस याची राष्ट्रीय सेवा योजना उत्कृष्ट स्वयंसेवक प्रशंसा प्रमाणपत्रासाठी निवड झाली आहे.
सावित्रीबाई फुले पुणे विद्यापीठ, राष्ट्रीय सेवा योजना विभागाच्या वतीने दर वर्षी राष्ट्रीय सेवा योजनेअंतर्गत उत्कृष्ट काम करणारे महाविद्यालय कार्यक्रम अधिकारी व स्वयंसेवक यांना उत्कृष्ट महाविद्यालय, उत्कृष्ट कार्यक्रम अधिकारी, उत्कृष्ट स्वयंसेवक असे पुरस्कार विद्यापीठ व जिल्हास्तरावर दिले जातात. या सर्वोत्कृष्ट प्रस्तावांची शिफारस राज्यस्तरीय पुरस्कारासाठी महाराष्ट्र शासनाकडे करण्यात येते. याच प्रस्तावामध्ये तुळजाराम चतुरचंद महाविद्यालय बारामतीचा विद्यार्थी महाविद्यालयाच्या राष्ट्रीय सेवा योजनेचा स्वयंसेवक दडस यांची निवड करण्यात आलेली आहे. त्याच्या निवडीबद्दल संस्थेचे अध्यक्ष जवाहर शहा वाघोलीकर, संस्थेचे सचिव मिलिंद शहा वाघोलीकर, महाविद्यालयाचे प्राचार्य डॉ. चंद्रशेखर मुरूमकर, सर्व उपप्राचार्य, राष्ट्रीय सेवा योजना कार्यक्रम अधिकारी डॉ. विलास कर्डिले यांनी त्याचे अभिनंदन केले.
गणेश दडस
१२०८२०२१-बारामती-०३