पुणे : शिवाजीनगर-घोले रोड क्षेत्रीय कार्यालयाच्या क्षेत्रातील सार्वजनिक रस्ते, पदपथांवरील अतिक्रमणांसह, व्यावसायिकांनी केलेले अतिक्रमण व बांधकाम शुक्रवारी महापालिकेच्या कारवाई करून अतिक्रमण विभागाने हटविले़ या कारवाईत एकूण ४५ ठिकाणी कारवाई करण्यात आली असल्याची माहिती उपायुक्त माधव जगताप यांनी दिली़
लेबर ऑफिस, शासकीय दूध डेअरी, पुणे-मुंबई रोड, भोसलेनगर, एफ़सी रोड, डेक्कन परिसरात ही कारवाई करण्यात आली़ यात ११ स्टॉल, ५ हातगाड्या, ५ पथारी व्यावसायिक, सिलिंडर वापर करणाऱ्या ५ जणांसह इतर १९ अशा ४५ जणांवर कारवाई करण्यात आली़
महापालिकेच्या अतिक्रमण विभागाने दिलेल्या परवान्यांना व फेरीवाला प्रमाणपत्रामधील अटी व शर्तींचा भंग करणाऱ्या व्यावसायिकांवर ही कारवाई करण्यात आली़ यामध्ये स्वत: व्यवसाय न करता पोटभाडेकरू ठेवणे, मान्य जागेवर व्यवसाय न करणे, गॅस सिलिंडर, स्टोव्ह वापर करणे तसेच पदपथ व रस्त्यांवर व्यवसाय करणाऱ्या ४५ जणांचा समावेश आहे़
--------------------
फोटो मेल केला आहे़