लोकमत न्यूज नेटवर्क
पुणे : शहरातील कोरोनाबाधित रुग्णांमध्ये शनिवारी दिवसभरात २८२ रुग्णांची वाढ झाली. तर, दिवसभरात बरे झालेल्या ३४७ रुग्णांना घरी सोडण्यात आले. विविध रुग्णालयातील २१० रुग्ण अत्यवस्थ असून, दिवसभरात एकूण ४ रुग्णांचा मृत्यू झाला आहे. तर, प्रत्यक्षात सक्रिय रुग्णसंख्या २ हजार ६४६ झाली आहे.
उपचार घेत असलेल्या रुग्णांपैकी २१० जणांची प्रकृती चिंताजनक आहे. तर, ३१० रुग्ण ऑक्सिजनवर आहेत. दिवसभरात ४ मृतांची नोंद करण्यात आली आहे. कोरोनामुळे मृत्यू झालेल्यांची एकूण संख्या ४ हजार ६७२ झाली आहे. पुण्याबाहेरील १ मृत्यूची नोंद करण्यात आली.
दिवसभरात एकूण ३४७ रुग्ण आजारातून बरे झाल्याने घरी सोडण्यात आले आहेत. आजारातून बरे झालेल्यांची एकूण संख्या १ लाख ७३ हजार ९२९ झाली आहे. तर, एकूण रुग्णसंख्या १ लाख ८१ हजार २४७ झाली आहे. सक्रिय रुग्णांची संख्या २ हजार ६४६ झाली आहे.
-------------
दिवसभरात विविध केंद्रांवर एकूण ४ हजार ४८० नागरिकांची स्वॅब तपासणी करण्यात आली असून, आतापर्यंत ९ लाख ५५ हजार ५२ रूग्णांची तपासणी करण्यात आली आहे.