लोकमत न्यूज नेटवर्क
पुणे : शहरातील कोरोनाबाधित रुग्णांमध्ये शुक्रवारी दिवसभरात ३६६ रूग्णांची वाढ झाली. तर, दिवसभरात बरे झालेल्या ३४६ रुग्णांना घरी सोडण्यात आले. विविध रुग्णालयातील ४२९ रुग्ण अत्यवस्थ असून दिवसभरात एकूण ४ रुग्णांचा मृत्यू झाला आहे. तर, प्रत्यक्षात सक्रिय रुग्णसंख्या ५ हजार ३८० झाली आहे.
उपचार घेत असलेल्या रुग्णांपैकी ४२९ जणांची प्रकृती चिंताजनक आहे. यातील २५४ रुग्ण व्हेंटिलेटरवर असून १७५ रुग्ण आयसीयूत उपचार घेत आहेत. तर, १ हजार १५५ रुग्ण आॅक्सिजनवर आहेत. दिवसभरात ४ मृतांची नोंद करण्यात आली आहे. कोरोनामुळे मृत्यू झालेल्यांची एकूण संख्या ४ हजार ४८२ झाली आहे.
दिवसभरात एकूण ३४६ रुग्ण आजारातून बरे झाल्याने घरी सोडण्यात आले आहेत. आजारातून बरे झालेल्यांची एकूण संख्या १ लाख ६१ हजार ५५६ झाली आहे. तर, एकूण रुग्णसंख्या १ लाख ७१ हजार ४१८ झाली आहे. सक्रिय रूग्णांची संख्या ५ हजार ३८० झाली आहे.
-------------
दिवसभरात विविध केंद्रांवर एकूण ३ हजार ६६३ नागरिकांची स्वाब तपासणी करण्यात आली असून आतापर्यंत ८ लाख ३३ हजार ७३० रूग्णांची तपासणी करण्यात आली आहे.