लोकमत न्यूज नेटवर्क
पुणे : राजीव सातव म्हणजे हात आकाशाला टेकले तरी पाय जमिनीवरच ठेवणारे दुर्लभ नेते होते. त्यांचे असे अकाली जाणे चटका लावणारे आहे, अशा शब्दात पुण्यातील काँग्रेसजनांंनी आपल्या भावना व्यक्त केल्या.
शहर काँग्रेस समितीच्या वतीने सोमवारी दुपारी काँग्रेस भवनमध्ये सातव यांच्यासाठी शोकसभा घेण्यात आली. शहराध्यक्ष रमेश बागवे म्हणाले, कार्यकर्त्यांबरोबर चर्चा करून त्यांचे मनोबल वाढविण्याचे काम ते नेहमी करायचे. आजच्या काळात पक्षाला त्यांची गरज होती. त्यांचे असे अकाली जाणे धक्का देणारे आहे.
प्रदेश उपाध्यक्ष मोहन जोशी यांंनी सातव यांच्या आठवणींना उजाळा दिला. माजी आमदार बाळासाहेब शिवरकर, दिप्ती चवधरी, आबा बागुल, कमल व्यवहारे, ॲड. अभय छाजेड, संजय बालगुडे, गोपाळ तिवारी, अमिर शेख यांनी श्रध्दांजलीपर भावना व्यक्त केल्या.
नगरसेवक अरविंद शिंदे, अविनाश बागवे, रविंद्र धंगेकर, लता राजगुरू, वैशाली मराठे तसेच दत्तात्रय बहिरट, नीता रजपूत, राजेंद्र शिरसाट, रमेश अय्यर, साहिल केदारी, बाळासाहेब अमराळे, शिलार रतनगिरी, सतिश पवार, सुनिल घाडगे, रमेश सकट, अनिस खान, राजेंद्र मराठे, सौरभ अमराळे व अन्य कार्यकर्ते यावेळी उपस्थित होते.