आळंदी : सिद्धबेट परिसरात केळगाव (ता. खेड) येथे आळंदी पोलीस ठाण्याच्या हद्दीत इंद्रायणी नदीकाठावर झाडाला एक अनोळखी मृतदेह दोरीने गळफास घेतलेल्या अवस्थेत आढळून आल्याची माहिती आळंदी पोलिसांनी दिली. अंदाजे २८ ते ३० वर्षे वयाच्या पुरुषाचा हा मृतदेह आहे. अंगात निळे रंगाचा सफेद चौकटी हाफ शर्ट, निळ्या रंगाची जिन्स पॅन्ट आहे. डाव्या कानात पिवळे धातूची बाळी असून उजव्या मनगटावर काळा व लाल रंगाचा दोरा आहे. अंगाने मजबूत उंची ५.६ फूट आहे. याबाबत विनोद हीरदास पवार यांनी खबर दिली आहे. पोलीस नाईक पाटील पुढील तपास करीत आहेत. (वार्ताहर )
गळफास घेतलेल्या अवस्थेत मृतदेह
By admin | Updated: October 14, 2016 05:19 IST