सागर सुभाष गवळी (वय २१), सुवन सतीश गवळी (वय २२), सावन सुभाष गवळी (वय २३), पवन सतीश गवळी (वय २५, सर्व रा. बिबवेवाडी) अशी अटक केलेल्यांची नावे आहेत.
याप्रकरणी विकास जनार्दन गवळी (वय २१, रा. साईनगर, कात्रज) यांनी फिर्याद दिली आहे.
विकास गवळी यांच्या घरी १३ जानेवारी रोजी जागरण गोंधळाचा कार्यक्रम आयोजित करण्यात आला होता. मध्यरात्रीनंतरही हा गोंधळ सुरु होता. आरोपी हे विकास यांचे चुत पुतणे आहेत. ते जागरण गोंधळाला दारु पिऊन आले होते. पहाटे २ वाजण्याच्या सुमारास त्यांनी कार्यक्रमात गाणे म्हणू देण्याचा आग्रह धरला. त्यावरुन त्यांच्यात वादावादी सुरु झाली. तेव्हा इतरांची सुरक्षितता धोक्यात येईल, इतक्या बेदरकारपणाने त्यांनी फिर्यादी व इतरांच्या अंगाभर दगडफेक केली. त्यात फिर्यादी यांची पत्नी व भाऊ हे गंभीर जखमी झाले. त्यांनी फिर्यादी इतर नातेवाईकांना लाथाबुक्कयांनी मारहाण केली. शिवीगाळ करुन तुमच्याकडे बघून घेतो अशी धमकी दिली. भारती विद्यापीठ पोलिसांनी चौघांना अटक केली असून पोलीस उपनिरीक्षक मचाले अधिक तपास करीत आहेत.