नारायणगाव : वारूळवाडी येथील ‘कळकीचा ओढा’ नावाने संबोधल्या जाणाऱ्या पुलाला मंगळवारी दुपारी १२.३० वाजता अचानक भगदाड पडले. स्थानिक ग्रामस्थांच्या प्रसंगावधन राखल्याने मोठा अपघात टळला आहे.
वारूळवाडी-सावरगाव रस्त्यावरील वारूळवाडी गावच्या हद्दीतील रा. प. सबनीस शाळेजवळील आणि डेरेवस्तीजवळ हा पूल आहे. या पुलाला साधारणपणे पाच फूट व्यासाचे आणि दहा ते पंधरा फूट खोलीचे अचानक भगदाड पडले. स्थानिक नागरिकांनी तत्काळ एका बाजूने लाकडी आडोसा करून रहदारी एका बाजूने वळविली. पुला खालून सततच्या वाहणाऱ्या पाण्यामुळे भराव खचला असावा असा अंदाज व्यक्त केला जात आहे.
घटनास्थळी सार्वजनिक बांधकाम खात्याचे शाखाअभियंता सचिन माने यांनी भेट देऊन पाहणी केली. हा रस्ता लवकर दुरुस्त करणार असल्याचे स्पष्ट केले .
फोटो - वारुळवाडी गावच्या हद्दीतील कळकीचा ओढा या पुलाला साधारणपणे पाच फूट व्यासाचे आणि दहा ते पंधरा फूट खोलीचे अचानक भगदाड पडले.